Manoramaonline.com no longer supports Internet Explorer 8 or earlier. Please upgrade your browser.  Learn more »
sponcers

ജോർജിയ പ്രതിനിധി സഭയിലേക്ക് സച്ചിൻ വർഗീസ് മത്സരിക്കുന്നു

പി.പി.ചെറിയാൻ
sachin-varghese

അറ്റ്ലാന്റാ ∙ ഇന്ത്യൻ അമേരിക്കൻ അറ്റോർണിയും മലയാളിയുമായ സച്ചിൻ വർഗീസ് (35) ജോർജിയ സംസ്ഥാന പ്രതിനിധി സഭയിലേക്ക് മത്സരിക്കുന്നു.

നവംബർ 7ന് നടന്ന തിരഞ്ഞെടുപ്പിൽ ഏറ്റവും ഉയർന്ന വോട്ടുകൾ നേടിയ രണ്ടു സ്ഥാനാർത്ഥികൾ ബി ന്യുഗ്യൻ 39.7% , സച്ചിൻ വർഗീസ് 34% ഡിസംബർ 5 ന് നടക്കുന്ന റൺ ഓഫ് മത്സരങ്ങളിൽ വീണ്ടും മാറ്റുരക്കും. റൺ ഓഫീൽ സച്ചിനാണ് കൂടുതൽ സാധ്യത.

നവംബർ 7 ന് നടന്ന പ്രൈമറി തിരഞ്ഞെടുപ്പിൽ  ഡെമോക്രാറ്റിൽ (4) സ്ഥാനാർത്ഥികളിൽ 2 പേർ മത്സര രംഗത്ത് നിന്നും പുറം തള്ളപ്പെട്ടിരുന്നു.

നിലവിലുള്ള ഡമോക്രാറ്റിൽ പ്രതിനിധി സ്റ്റേയ്സി എബ്രഹാംസ് ഗവർണർ സ്ഥാനത്തേക്ക് മത്സരിക്കുന്നതിന് രാജിവെച്ച 89 ഡിസ്ട്രിക്റ്റിൽ (DEKALB COUNTY) നിന്നാണ് സച്ചിൻ വർഗീസ് മത്സരിക്കുന്നത്.

ജോർജിയ സംസ്ഥാന പ്രതിനിധി സഭയിലേക്ക് ആദ്യമായാണ് ഇന്ത്യൻ അമേരിക്കൻ സ്ഥാനാർത്ഥി മത്സര രംഗത്തെത്തുന്നത്.

കേരളത്തിലെ മാവേലിക്കരയിൽ നിന്നും മാതാപിതാക്കളോടൊപ്പം ഒന്നര വയസ്സിലാണ് വർഗീസ് അമേരിക്കയിൽ എത്തിയത്. എൻജീനീയറിംഗ് ബിരുദധാരിയായ വർഗീസ് വാട്ടർഷെഡ് മാനേജ്മെന്റ് അറ്റ്ലാന്റാ ഡിപ്പാർട്ട്മെന്റിൽ ഉദ്യോഗസ്ഥനാണ്. പബ്ലിക് അഡ്മിനിസ്ട്രേഷനിൽ മാസ്റ്റർ ബിരുദവും കൂടാതെ നിയമബിരുദവും നേടിയിട്ടുള്ള ജോർജിയ ലജിസ്ലേഷർ ബ്ലാക്ക് കോക്കസിനെയാണ് പ്രതിനിധീകരിക്കുന്നത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.