Manoramaonline.com no longer supports Internet Explorer 8 or earlier. Please upgrade your browser.  Learn more »
sponcers

റൗണ്ട് ടേബിള്‍ കോണ്‍ഫറന്‍സുകള്‍ക്കു തുടക്കം കുറിച്ച് ഇന്ത്യാ പ്രസ് ക്ലബ് ഡാലസ് ചാപ്റ്റർ

IPCNA-Dallas-Chapter-Round-Table-Conference-with-Oraganizanal-Leaders

ഡാലസ്∙ ഇന്ത്യ പ്രസ്സ് ക്ലബ് ഓഫ് നോര്‍ത്ത് അമേരിക്ക ഡാലസ് ചാപ്റ്ററിന്റെ നേതൃത്വത്തിൽ  ദേശീയ, പ്രാദേശിക തലങ്ങളിലെ വിവിധ സംഘടനാ നേതാക്കളെ ഏകോപിച്ചു നടത്തിയ റൗണ്ട് ടേബിള്‍ കോണ്‍ഫറന്‍സും സിംപോസിയവും വൻ വിജയം.  ഇന്ത്യാ പ്രസ് ക്ലബ് ഓഫ് നോർത്ത് അമേരിക്ക ഡാലസ് ചാപറ്ററിന്റെ 2018-19 വർഷത്തിലെ പ്രവർത്തനോദ്ഘാടനവും നടന്നു. ഇർവിങ്ങിലെ പസന്ത്‌ ഓഡിറ്റോറിയത്തിൽ ശനിയാഴ്ച വൈകിട്ടായിരുന്നു പരിപാടികൾ.

IPCNA-Inagurartion--Greetings-from-Oraganizations-Leaders

ഡാലസ് ചാപറ്റർ പ്രസിഡന്റ് റ്റി.സി.ചാക്കോ അധ്യക്ഷത വഹിച്ചു പരിപാടികൾ ഉദ്ഘാടനം ചെയ്തു. സെക്രട്ടറി ബിജിലി ജോർജ് സ്വാഗതം ആശംസിച്ചു. ചാപ്റ്ററിന്റെ നേതൃത്വത്തിൽ  2018-19 വർഷത്തിൽ നടത്താനുദ്ദേശിക്കുന്ന നൂതന പരിപാടികളെക്കുറിച്ചു റ്റി. സി ചാക്കോ വിവരിച്ചു. പ്രസ് ക്ലബിന്റെ ഭാവിയിലെ  ദേശീയ കൺവൻഷൻ ഡാലസിൽ നടത്താനുള്ള സന്നദ്ധതയും പ്രത്യാശയും പ്രകടിപ്പിച്ചു അദ്ദേഹം മധു കൊട്ടാരക്കരയുടെ നേത്രൃത്വത്തിലുള്ള ദേശീയ സംഘടനക്കു ചാപ്റ്ററിന്റെ എല്ലാ പിന്തുണയും വാഗ്ദാനം ചെയ്തു.

IPCNA-Dallas-Chapter-2018-Inagurartion

ഫോമാ, കേരള അസോസിയേഷൻ ഓഫ് ഡാലസ്, ഇന്ത്യ കൾച്ചറൽ  ആൻഡ് എഡ്യൂക്കേഷൻ  സെന്റർ,  ഡാലസ് മലയാളി  അസോസിയേഷൻ (ഡിഎംഎ), ഇർവിങ് ഡിഎഫ് ഡബ്‌ള്യൂ ഇന്ത്യൻ ലയൺസ് ക്ലബ് ,ഡാലസ് എയ്‌സ്‌ ലയൺസ് ക്ലബ്, റാന്നി  അസോസിയേഷൻ  തുടങ്ങി  വിവിധ സംഘടനാ പ്രതിനിധികൾ ആശംസകൾ അർപ്പിച്ചു സംസാരിച്ചു.

ഇന്ത്യ പ്രസ് ക്ലബിനു വളർച്ചയുടെ പടവുകൾ കീഴടക്കാനാവട്ടെ എന്നു ഫോമയുടെ മുതിർന്ന നേതാവും  പ്രസിഡന്റ് സ്‌ഥാനാർഥിയും ഡാലസ് മലയാളി അസോസിയേഷൻ മുൻ പ്രസിഡന്റുമായ ഫിലിപ്പ് ചാമത്തിൽ ആശംസിച്ചു.   

Abraham-Thekkemury---60th-birrthday-anniversary-1

സത്യസന്ധമായ വാർത്തകൾ നിരന്തരം എത്തിക്കുന്ന ഇന്ത്യ പ്രസ്സ് ക്ലബ്ബിന്റെ പ്രവർത്തനങ്ങളെ ഇർവിങ് ഡിഎഫ് ഡബ്‌ള്യൂ ഇന്ത്യൻ ലയൺസ് ക്ലബ് പ്രസിഡന്റും ഇന്ത്യ കൾച്ചറൽ  ആൻഡ് എഡ്യൂക്കേഷൻ സെന്റർ സെക്രട്ടറിയുമായ ജോർജ് ജോസഫ് വിലങ്ങോലിൽ പ്രകീർത്തിച്ചു. 

കാലത്തിന്റെ മാറ്റങ്ങൾക്കനുസരിച്ചു പ്രസ് ക്ലബിന്റെ കാഴ്ചപ്പാടിലും മാറ്റങ്ങളുണ്ടാകട്ടെയെന്നു  ഡാലസ് എയ്‌സ്‌ ലയൺസ് ക്ലബിനെ പ്രതിനിധീകരിച്ചു ജോജോ കോട്ടക്കൽ ആശംസകൾ നേർന്നു. കേരള അസോസിയേഷാൻ ഓഫ് ഡാലസ് സെക്രട്ടറി  ഡാനിയേൽ കുന്നിൽ, അസോസിയേഷനെ പ്രതിനിധീകരിച്ച് എല്ലാ സഹായസഹകരണങ്ങളും പിന്തുണയും ചാപ്റ്ററിനു വാഗ്ദാനം ചെയ്തു.പ്രസ് ക്ലബിന്റെ പ്രവർത്തനങ്ങൾക്ക് എല്ലാ ഭാവുകങ്ങളും നേർന്നു ഡിഎംഎംയെ  പ്രതിനിധീകരിച്ചു സുജൻ കാക്കനാട് സംസാരിച്ചു. കലാ 

കായികാ സാംസ്കാരിക പ്രവർത്തനങ്ങൾക്ക് മാധ്യമപ്രവർത്തകർ മുൻ‌തൂക്കം നൽകണമെന്ന് റാന്നി അസോസിയേഷൻ പ്രസിഡന്റ് ഷിജു 

എബ്രഹാം തന്റെ ആശംസാ പ്രസംഗത്തിൽ സൂചിപ്പിച്ചു.  ഡാലസ് ചാപ്റ്റർ മുൻ പ്രസിഡന്റും മുതിർന്ന പത്രപ്രവർത്തകനുമായ  എബ്രഹാം തോമസ് മാധ്യമപ്രവർത്തനം നേരിടുന്ന  വെല്ലുവിളികളെപ്പറ്റി സംസാരിച്ചു.

"മാറുന്ന സാഹചര്യത്തിൽ മാധ്യമ ശൈലിയിൽ മാറ്റം അനിവാര്യമോ" എന്ന വിഷയത്തിൽ ബിജിലി ജോർജ് മോഡറേറ്ററായി സിമ്പോസിയവും ചർച്ചകളും തുടർന്ന് നടന്നു. വിവിധ സംഘടനകളിൽ നിന്നെത്തിയവരുടെ   നിർദേശങ്ങളും അഭിപ്രായങ്ങളാലും പുരോഗമിച്ച റൗണ്ട് ടേബിള്‍ കോണ്‍ഫറന്‍സ് വൻവിജയമായി. 

ഷഷ്ഠിപൂർത്തി ആഘോഷിക്കുന്ന ഇന്ത്യ പ്രസ്സ്ക്ലബ്ബ് ഓഫ് നോർത്ത് ടെക്സാസിന്റെ ആദ്യ പ്രസിഡന്റ് എബ്രഹാം  തെക്കേമുറിയെ,  റ്റി സി ചാക്കോയുടെ നേതൃത്വത്തിൽ പ്രസ് ക്ലബ് അംഗങ്ങൾ പൊന്നാടയണിയിച്ച് ചടങ്ങിൽ ആദരിച്ചു.  ജോ. സെക്രട്ടറി മാർട്ടിൻ  വിലങ്ങോലിൽ നന്ദി പ്രകാശനം നടത്തി.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.