Manoramaonline.com no longer supports Internet Explorer 8 or earlier. Please upgrade your browser.  Learn more »
sponcers

ജോർജ് എബ്രഹാമും പോൾ പറമ്പിലും ഡോ. സാം പിത്രോഡയും കൂടികാഴ്ച നടത്തി

meeting-with-sam-pitroda

ന്യൂയോർക്ക് ∙ ഇന്ത്യൻ ഓവർസീസ് കോൺഗ്രസ് യുഎസ്എ വൈസ് ചെയർമാൻ ജോർജ് എബ്രഹാം, ഷിക്കാഗൊ ഓവർസീസ് കോൺഗ്രസ് സ്ഥാപക പ്രസിഡന്റും കിൻഫ്ര ഡയറക്ടറുമായ പോൾ പറമ്പിലും ഡൽഹിയിൽ ഇന്ത്യൻ ഓവർസിസ് കോൺഗ്രസ് ചെയർമാൻ ഡോ. സാം പി പിത്രോഡയെ സന്ദർശിച്ചു. ഇന്ത്യയിലെ ലോകസഭാ തിരഞ്ഞെടുപ്പിൽ പ്രവാസി അമേരിക്കൻ മലയാളികളുടെ പങ്കിനെ കുറിച്ചും കോൺഗ്രസ് യു‍ഡിഎഫ് സ്ഥാനാർഥികളുടെ വിജയ സാധ്യതയെ കുറിച്ചും ചർച്ച നടത്തി.

ഡൽഹിയിൽ ഏപ്രിൽ 10ന് ഡോ. സാം പിത്രോഡയുടെ വസതിയിൽ വെച്ചായിരുന്നു കൂടികാഴ്ച. നാലു മാസത്തിലധികമായി ഷിക്കാഗോയിൽ നിന്നും കേരളത്തിലെ തിരഞ്ഞെടുപ്പു പ്രവർത്തനങ്ങളുമായി സഹകരിക്കുന്നതിന് തൃശൂരിലെത്തിയ പോൾ പറമ്പി തൃശൂരിൽ മത്സരിക്കുന്ന ടി. എൻ. പ്രതാപന്റേയും ചാലകുടിയിൽ മത്സരിക്കുന്ന െബന്നി ബഹന്നാന്റേയും വിജയ സാധ്യതകളെ കുറിച്ചും സാം പിത്രോഡക്ക് വിശദീകരണം നൽകി.

അമേരിക്കയിലെ കോൺഗ്രസ് പ്രവർത്തകർ നാട്ടിലുള്ള സ്നേഹിതരെ കുടുംബാംഗങ്ങളെ പരിചയക്കാരെ ഫോണിൽ ബന്ധപ്പെട്ടു യുഡിഎഫ് സ്ഥാനാർഥികൾക്ക് വോട്ടു നൽകുന്നതിനുള്ള ശ്രമങ്ങൾ നടത്തിവരുന്നുണ്ടെന്ന് ജോർജ് അബ്രഹാം അറിയിച്ചു.

ഇന്ത്യൻ നാഷണൽ കോൺഗ്രസ് ഈ തിരഞ്ഞെടുപ്പിൽ അധികാരത്തിലെത്തു മെന്ന് ഇന്ത്യയിലെ തിരഞ്ഞെടുപ്പു പ്രവർത്തനങ്ങളെ വിലയിരുത്തി സാം പിത്രോഡ ആത്മവിശ്വാസം  പ്രകടിപ്പിച്ചു. യുഎസിൽ കോൺഗ്രസ് പ്രവർത്തകരുടെ ഐക്യവേദി സൃഷ്ടിക്കുവാൻ കഴിഞ്ഞതിൽ സംതൃപ്തിയുണ്ടെന്നും അതിൽ സഹകരിച്ച എല്ലാ പ്രവർത്തകരോടും നന്ദി അറിയിക്കുന്നതായും പിത്രോഡ പറഞ്ഞു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.